伊莉討論區

標題: 《鬼怪》孔劉「翻生」抱實金高恩 [打印本頁]

作者: rousseau73 時間: 2017-1-21 08:18 PM 標題: 《鬼怪》孔劉「翻生」抱實金高恩

由孔劉、金高恩、李棟旭、劉仁娜等主演嘅人氣韓劇《鬼怪》今晚播出第14集，承接上一集尾聲講到孔劉利用金高恩嘅手拔出劍出來，最終殺死奸臣惡鬼，而孔劉亦因而灰飛煙滅消失於金高恩眼前。

此時關於孔劉嘅一切都逐漸消失，金高恩知道自己會失去有關孔劉嘅記憶，於是即時拿出簿來記下。而鏡頭一轉就見神同孔劉對話，孔劉停留喺一個白茫茫甚麼都冇嘅地方，神話孔劉會忘記一切，孔劉話自己終於明白自己做了這樣嘅一個選擇。
時間慢慢過咗九年，剪了短髮嘅金高恩變成PD，望住下著大雨嘅街道，佢顯得若有所失，即使同李棟旭相遇，佢都好似唔記得李棟旭，亦唔知頸鏈係邊個送。金高恩去炸雞店搵劉仁娜，仲相約同學仔喺店內飲酒敍舊。
金高恩亦變成冇咗睇鬼嘅能力，佢返到屋企冇原因地咁不停喊，佢只覺得好痛苦好難受，完成唔知點解。另一邊廂嘅孔劉只係喺一個白雪雪嘅沙漠上不停行走，似乎永遠都唔會停下來，佢慢慢流下一滴淚。到了金高恩嘅生日，金高恩因為自己忘記一切而十分哀傷，佢對住蛋糕吹蠟燭，身在沙漠嘅孔劉似乎感應到，當金高恩一吹完蠟燭，一身古裝打扮嘅孔劉就出現喺金高恩面前，雖然金高恩唔記得孔劉，但兩人都激動得抱住喊。
當金高恩冷靜下來就問孔劉係邊個，點解會抱住我，又問孔劉係唔係拍緊戲，孔劉話因為有某個人叫我，所以佢就來到，仲話只要金高恩一直平安就足夠。孔劉去搵陸星材，但陸星材同樣唔記得孔劉，原來所有認識孔劉嘅人嘅記憶都被刪除，之後孔劉再去見劉仁娜，但只喺店外遙望住佢。
孔劉再去見李棟旭，而李棟旭就冇失去孔劉嘅記憶，仲最終向孔劉講出對唔住，原諒自己。兩人之後把酒談心，此時陸星材來到，見到孔劉喺到，孔劉自稱自己係李棟旭嘅朋友，之後急急腳走人。
金高恩因為誤報天氣被上司責備，孔劉就用鬼怪能力令天氣變暖，符合返金高恩要報嘅天氣，終令到冬天突然開櫻花。孔劉不時出現金高恩身邊，令金高恩唔知原因，孔劉話自己非常非常掛住一個人，但金高恩就覺得佢好怪。
孔劉因為冇錢，不斷問李棟旭借錢，最後孔劉去搵秘書去告知佢真相身份，孔劉就可以取回佢嘅所有一切財產。孔劉繼續不斷跟住金高恩，見親金高恩就笑眯眯嘅樣子，金高恩雖然覺得好奇怪，但又趕唔到佢走，最後孔劉仲幫金高恩獲得廣告。
金高恩以前從加拿大寄畀孔劉嘅信終於寄到去孔劉身上，不過孔劉為咗令金高恩記得自己就專登將信畀金高恩，原來封信係金高恩寫比已逝世嘅媽媽，金高恩奇怪點解自己會去過加拿大，覺得整件事好恐怖，亦開始懷疑信中大叔就係孔劉，亦煩惱自己到底忘記了甚麼。
孔劉打電話比金高恩，此時金高恩不覺以吹咗身旁嘅蠟燭，孔劉就出現喺佢後面，孔劉唔想被金高恩發現自己，於是就同金高恩講電話，兩人好似情侶一樣咁甜蜜，孔劉仲話要同金高恩約會。兩人展開約會，金高恩話想到國外放假，之後金高恩就單拖去咗加拿大旅行去搵寄出封信間酒店，點知金高恩又喺加拿大見到孔劉，兩人邊行邊說，孔劉仲叫金高恩請佢食飯，於是臨尾金高恩就甜笑叫咗句「代表」，正好證明之前孔劉睇到金高恩29歲記憶時，金高恩所見嘅「代表」就正正係孔劉。
預告中更播出金高恩終於記得孔劉，兩人仲有床戲同咀戲，似乎結局會係Happy ending。

心得：鬼怪有意想不到的劇情，口碑很好，相信女主角會更受歡迎。

[attach]117439446[/attach][attach]117439448[/attach][attach]117439450[/attach][attach]117439451[/attach][attach]117439452[/attach][attach]117439453[/attach][attach]117439455[/attach][attach]117439456[/attach][attach]117439457[/attach][attach]117439458[/attach][attach]117439460[/attach][attach]117439462[/attach]

作者: 悠遊自若 時間: 2017-1-21 10:43 PM

真的有被劇中的角色與對白感動到~
原來人的身邊可以有短暫存在過的幸福~
無與倫比！
喜翻孔劉+李棟旭~~

作者: corneliuslee93 時間: 2017-1-22 12:26 AM

提示: 作者被禁止或刪除內容自動屏蔽

作者: babalaba 時間: 2017-1-22 05:13 PM

剛看完結局
哭得唏哩嘩啦
嗚嗚嗚 ~~
其實也試完美的結局

作者: pj791128 時間: 2017-1-31 11:42 PM

我只是看他的剪輯就覺得超感動了!孔劉完全是姊的TYPE

作者: brightgirl02 時間: 2017-2-14 09:39 PM

我覺得所有鋪排的梗，都有收尾，不會風馬牛不相及，
每集都有讓人感動震撼之處。

作者: 渝渝 時間: 2017-3-1 11:03 PM

提示: 作者被禁止或刪除內容自動屏蔽

作者: 3dm3dm 時間: 2017-3-5 10:58 PM

鬼怪真的很好看，金高恩挺會演的，對她哭戲印象深刻

歡迎光臨伊莉討論區 (http://s03.p03.eyny.com/)