伊莉討論區

標題: 2012年沒有伙伴只有懷念6日5夜沙巴之行-飲食編(全卷完超多相) [打印本頁]

---

作者: dusty01    時間: 2012-12-12 02:13 PM     標題: 2012年沒有伙伴只有懷念6日5夜沙巴之行-飲食編(全卷完超多相)



今次沙巴之行事出突然，因某些重要事故，所以就即刻在網上買亞航飛亞庇機票，雖然價錢係較貴，來回要$25XX一個人連稅，但已俾其它航空公司平很多，同埋有早機！



我同老婆一早到達機場，辦好登機手續後，就去翠華食早餐



簡單的港式早餐，但都沒什麼胃口



轉眼間就可登機喇



我們買到較前既坐位，不過呢程機都唔太多遊客，香港人少，反而很多內地人來香港飛



今早的天氣和我們的心情一樣咁差



每次在機內望到這小島，就知很快就要到達，這感覺非常熟悉



KK上空既雲層非常厚，希望唔會落雨就好了



每次等行李都係好遲才出現！點解呢？



今次我們入住的酒店，因為貪平同地點很好



酒店地點就在Asia City，附近亦有很多食市



酒店餐廳



搭電梯上房間係要拍卡的，但唔會自動去到自已房間的樓層！但這樣的保安系統都唔錯



我們入住902號房



第一眼望入去，感覺空間真係細，像去了東京酒店一樣，連我們個行李都不能隨便打開



真係只能放到張大床，其它多餘空間都很少




窗外的景觀唔錯，起碼還能望到海，對面係Waterfront，看日落同飲酒的地方



房間無提供免費WIFI，除非俾rm10蚊就有24小時WIFI提供


不過洗手間既空間就幾大



花灑水壓一般般



這房間大致上都滿意，一分錢一分貨已算很好，而且裝修還算可以，起碼乾淨及光猛，每日都有職員黎清理房間，不過房間隔音做得麻麻，每早會聽到其他遊客開關門聲，但酒店還有樣野好，就係我們回程那日，可以免費延遲到下午二點才退房



之後去了63酒店對面間富源食個下午茶先



我們點了加拉茶、Kaya麵包同多士



拉茶:唔知係個師父手勢差定茶葉質素降低了，我第一次嘗到咁難飲的，茶裡面有種臭青味



Kaya麵包



Kaya多士

原來市區的富源分店全部都係買了特許經營權的，如果想品嘗最好的麵包同拉茶還是要去總店，分店的質素每間都不一樣



我們還買了張電話卡，這牌子比DiGi更好收，這卡收rm2蚊一日有100M上網數據，但有時落雨天個系統都會傻左，影響你沖值！



之後我們就去了睇啊爺



到了晚上十點鐘，我們去了燒匠食宵夜火鍋，這店才開了幾個月



可能因為夜，客人唔太多，我們安排坐房



火鍋配料:都係一般的選擇，但多了個桔仔，因當地人喜歡食咩都要加點桔仔汁的



自家制XO醬，都幾香



我們點了醉雞窩，都幾香酒味



桔仔冰:來到沙巴點能夠唔飲桔仔冰呢？



鮟鱇魚肝:估唔到沙巴都能食得到，味道還唔錯啊



鵝肝壽司:其實鵝肝唔算咩咁特別，我亦較少食，但我很喜歡這壽司係即點即做，鵝肝用火焰燒過後，熱辣辣咁放入口，口感幼滑順喉，而且有入口即溶的質感，唔錯



豚肉:又係入口味，當然較一般豬肉好味得多



安格斯牛:色澤都唔錯，牛味都ok



澳洲和牛刺身:在沙巴食到入口貨係很難得的，還能食到牛肉刺身，唔係掛？雖然味道唔能夠同日本和牛比，但肉質都幾嫩的



豬肉丸:一般



魚腐:一般


魚滑:無咩特別



鴨胸肉:不過不失



豬皮:最喜歡無毛的豬皮，吸收湯既精華，還保持彈性，真唔錯



牛百葉:我覺得切得太細舊了，再大些會較好，但唔需咁闊身



桂花蚌:我的最愛之一，好味



虎蝦:超級有彈性啊，超鮮甜



沙白:大大隻又鮮甜又無沙，火鍋一流



三文魚刺身:切得好厚身啊，但我無試



鮮手打烏冬:扁身烏冬不是我喜歡的



手打拉麵k啦



什蔬菜:原來沙巴都有西洋菜架，而且係非常幼嫩的，其實沙巴人當西洋菜係野菜之一，無咩人識食



什菌


當火鍋滾起時，最能吸引我既食欲heehee



木瓜雪耳糖水:很潤啊

DAY2




呢日早餐去了榮華茶室，去得榮華就要早，因這店的魚麵很早就賣曬，要食就趁早



自已想要咩材料都得，自由配搭的



我最喜歡這店的魚麵，真係彈得很過份，你很難想象有這口感，而且魚滑都一樣好正，只是湯底較一般



11月還是沙巴雨季，我們在車廂裡面，左邊就烏雲，右邊就天朗氣清，很強烈的對比



午餐去了惠洲茶室



這茶室選擇都唔少架，小菜都有很多，其中還有山豬肉，可惜今日無貨



叉燒干撈河:無試



牛什湯河:雖然係很普通的質素，但價錢已反映到



鹵水雞爪:這雞爪就鹵得很入味喇，膠質完全黏住咀唇，而且係用走地雞，所以唔會肥的



椰汁涼粉



薏米水



冬瓜涼茶:好味



食飽後，我就回酒店訓個午覺，不過出面落緊大雨，睇黎還有排落啊



晚餐我們去了新佳雅海鮮餐廳，今晚訂了兩圍英雄宴



龍躉



草蝦同虎蝦的混種，每次必點



跳螺



沙白



蠔



象拔蚌仔



龍蝦仔



青龍蝦



青班



蘇眉



非洲魚



紅樹林蟹:兇殘的紅樹林蟹極生猛，如果親手去揀就要小心些



買了很多隻



今次坐露天，冷氣房一早爆滿了



鮮榨橙汁:好濃味啊



榨碎桔仔冰:味道唔會很酸，我覺得比普通的好飲



蝦:因為係混種的，所以肉質較有彈性同甜，而且蝦殼都很薄身



沙白湯:湯頭超甜，這湯係我最愛飲的



酥炸非洲魚:如果食厭了海魚，其實河魚都一樣好味架，而且價錢還很平，非洲魚就係其中一種，酥炸係最好的食法，魚亦沒有泥味，而且魚骨亦不多



蜜汁雞:雞炸得很好，外層夠曬乾身，醬汁又不會太多而影響脆度，這雞我一定會再回來試



蒜蓉炒通菜:很多油！



白灼跳螺:螺肉本身係很鮮甜的，但其實尾尾那部位才是寶



蒜蓉蒸象拔蚌仔:新鮮就一定鮮甜，而且價錢又唔貴



酥炸軟殼蟹:雖然粉漿厚了些，但沙巴的軟殼蟹很多都用新鮮貨，所以蟹味十足



蒜蓉炒菜心仔:菜很甜



鹹蛋炒蟹:這個食法係啊叔朋友指定的，我心想鹹蛋炒很普通姐，但試過後才知個原因，這店的鹹蛋比香港的淡，我很怕太濃味會蓋過蟹的鮮味，但估唔到兩者味道都保留到，非常出色



隻蟹鉗幾大隻



優質蟹係要蟹殼薄而實、肉要厚而甜、紅樹林蟹就絕對符合以上的要求



蒜蓉炒飯k啦



生果拼盤:木瓜很甜



單據



食飽後，我們再去市區天橋底食榴槤，因為現在係榴槤季節，很多名種的都有



呢款細細個橙肉的係野生榴槤，味道同一般的唔同，而且粒核係較大粒，果肉較少的，所以相對價錢亦很平



呢種價錢亦相對抵食的，但唔係什麼名種



味道都算清甜，但唔算濃味



這個係坐我隔離個啊叔食的，一個人食曬整個，認真誇張，這個又係第二個品種，裡面係有很多粒肉的



啊叔見我眼望望，就很客氣地請我們食，我就試了一小粒，味道係很濃的牛油味，就像放了大量牛油入口裡咁！

---

作者: dusty01    時間: 2012-12-15 12:15 PM     標題: 2012年沒有伙伴只有懷念6日5夜沙巴之行-飲食編(PART2超多相)

day3



今日早餐我們去了澔運茶餐室，因這店用貨真材實料，在香港很難有機會食得到的




餐牌




雞公碗夠懷舊





馬拉式配料，我極少用




薏米水




冬瓜涼茶




餐廳環境




老闆娘話秘制麻辣醬，我試過真的幾辣




以上這圖係上次影的，黎這店就係為了這魚，這魚叫烏鯉，係蘇眉同種的深海魚，但價錢就平很多，而且係百份百野生，每年1至5月供貨量會較少的

我們這次點了紅燒烏鯉、魚麵湯、薑蔥炒魚卜及魚片、涼拌魚片，埋單唔記得！





紅燒烏鯉:很喜歡老闆選擇較好的部位去紅燒，其實魚頭或魚鮫位置係最好的，烏鯉肉質很有彈性，但因為較大條，所以膠質較重，炆得非常好






魚麵:雖然這個亦唔錯的，因為榮華的魚麵太強了





薑蔥炒魚卜及魚片:咁大條魚的魚卜好唔好味？你話呢？hahahaaa





涼拌魚片:涼拌用了蕃茄、青芒絲、香茅、芹菜等等，蕃茄味很原始，但又不會過酸，我喜歡這個配搭，魚皮非常爽脆，一點腥味都沒有，很美味




食飽後去了默迪卡商場換錢，今日個匯率係2.58，算唔錯




找換店就在萬寧對面




午餐就去了何記(文昌)正宗海南雞飯




餐牌




係咪用文昌雞架？



雞飯





鹹檸桔仔冰:同鹹柑桔味道一樣，我喜歡




椰汁涼粉

我們點了一隻海南雞、芽菜、玻璃雞腳，雞飯同湯係送的



雞湯:一般




雞飯:不過不失



芽菜:芽菜很清脆，而且很多汁的




海南雞:這雞我真係好鐘意，又滑又有雞味，如果試過這店的雞，你就知味雅係幾咁差的！




玻璃雞腳:味道古古怪怪又偏甜，好難食啊......





晚餐去了發記，我們點了蒜蓉炒菜心仔、福建麵、馬拉盞炒通菜、蠔油雞翼、鹹菜豆腐湯等等




蒜蓉炒菜心仔:在沙巴老婆最喜歡點這菜，又甜又脆




福建麵:我得得今次炒得唔夠香，唔知是否早來到，睇到豬油渣好像唔太新鮮的




馬拉盞炒通菜:在馬來西亞食馬拉盞係最好味的，在香港唔係太鹹就唔夠香！




蠔油雞翼:這雞翼亦係我愛食的，味道做得很好



鹹菜豆腐湯:這下火湯很適合熱帶地區飲的






現在係黃昏，但前面的雲帶很厚






亞庇的黃昏經常都火經色的，真係幾靚




今次來亞庇竟然能找到傳說中的紅色野生榴槤，多謝啊叔朋友報料，我們就去了和生園，其實紅色野生榴槤在榴槤季節會較多機會買得到的，價錢其實唔算貴，因一個不會很種的



味道係點的？唔話你知！heehee





之後去了亞州城富源分店食宵夜，我們點了Kaya多士及拉茶




拉茶:這店比63酒店對面那間好些小，但都有一點臭青味




Kaya多士:啊叔怕我們餓親，所以叫了很多！

day4




這日早餐去了好記茶室食早餐，這店食魚什、魚片麵的




餐牌





很多魚的部位選擇

我們點了魚片米粉




配菜



菊花茶:唔錯





蕃茄魚片湯米:這店出名係蕃茄湯底，但我覺得酸了點，應該係蕃茄的酸





魚片係炸過的，我唔記得係什麼魚，但魚味很濃，而且肉質係好嫩滑的，睇相應該感受到的





午餐去了國民茶室，這店老闆係香港人開的，啊叔話這店牛什及魚滑唔錯的，所以去試試





牛什湯米:其實我係牛什精，什麼牛什我都會覺得好食的heehee，只是湯頭較一般




牛筋非常正，又大舊又腍




滑牛魚滑牛什湯米:這碗係啊叔點的，真貪心呢！



我試了個魚滑，果然唔錯，但唔算有驚喜




牛腩:無試




老婆點的干撈麵




羅漢果:唔錯




晚餐去了老字號的鑽石酒家，這店可以自已帶海鮮黎加工煮的，我們點了紅燒山豬、蒜蓉炒通菜、奶油炒蟹、福建麵、魚鰾湯、炸蒜蝦米蒸豆腐，埋單rm99蚊




店內環境，很有舊冰室的感覺




醃木瓜:我很喜歡的餐前小食，爽脆得黎又不太酸




花生





紅燒山豬:山豬當然好食過普通豬啦，肉質同味道都好很多，所以一見到有山豬點，我都一定要食，有些人話山豬肉質會好韌，其實係個師父唔識點煮姐！





蒜蓉炒通菜:今次我講明要少油，果然有反應




奶油炒蟹:我初時去看餐廳個魚缸，但種類少到你都唔相，唔怪得可以自帶海鮮黎加工啦，好彩還有四隻蟹選擇，所以點了兩隻，今次我們用奶油炒，但估唔到味道係會咁好的，這店的奶油係我食過最好的，我很難形容個味道，它濃而不搶，下次我一定拉大隊帶幾十隻解黎加工heehee




福建麵:這店的福建麵亦係好出名的，看得出一粒粒的豬油渣很新鮮，味道比發記還好些




炸蒜蝦米蒸豆腐:這裡的豆腐賣相很滑滑，但用筷子夾起來都不會散開的，果然夠實淨





魚鰾湯:這湯很鮮很好飲



單據





食完晚飯，我們找些生果食下先，其實本來我呢晚係一定一定要品嘗D24品種的，心裡面的意志很堅強，但可惜最終都被老婆打敗了！話說我例牌會同老闆吹兩咀的，我目標係D24，老闆話D24的果肉會帶點苦的，這點我當然知啦，無問題喎，但老婆即刻插咀，老闆有無唔苦架？我心裡一沉！老闆就自以為好醒，同老婆講所以我話聲你們知，怕你們品嘗時會話點解帶苦既？然後老闆就介紹了D14俾老婆，話味道係甜的，同D24一樣，但就無苦味，我老婆就叫了老闆揀個靚的，唔通我真的同D24無緣？




老闆寫曬價錢出黎，話明碼實價唔洗估估下




這檔都有紅色野生榴槤賣喎



老闆揀了好大個的



睇下粒果肉幾大





非常之厚肉




這個橙槤足足有成八大粒肉，食到我們飽曬



我唔客氣喇




老闆真無介紹錯，榴槤又濃又甜，啖啖肉又細核，超正




之後買了山竹食，rm10有3磅，又平又甜




呢種係咩生果呢？唔知味道係點的？

day5





呢日早上約了人有私事要追討，約了在茶室講數，途中見到遠方的神山面貌，晚上就會被雲層包圍的




順利追討到權益後，就去了麗都隆美東星魚旦食早餐



營業時間




老闆的背影，還是親力親為




餐牌:價錢又加了價，老闆話東星班今年加價加得很厲害，因為多數漁船的魚獲都被運去內地，因為價錢賣得較高，老闆話自已都已盡量加些小，所以賺少些都不想流失舊食客





東星魚旦湯米:這店除了用好的食材，湯頭亦係賣點之一，飲過的客人就知老闆的用心，真的鮮味十足




野生的東星班片才會咁雪白的，而且相中的魚片肉質係有彈性，養班的肉質一定係散的，很容易分辨得出，而且這店的魚旦又係超級彈架




可以低價錢食到高價魚，真係唔多地方食得到




老闆還有新菜式，不過唔係經常有的，有雞食，老婆最歡喜




估唔到老闆煮雞都有一手，特別個醬油都好正，應該花過心思去調校的




午餐去了不知名的餐廳，又係在郊區的，這店友人話生意超火的，早上係大排長龍架，我們下午二點去到已差不多收檔了




天氣咁熱，飲杯檸樂先





呢個豬肉豆腐係這店招牌之一，最後四碟都被我們買曬，果然係好滑的




炆鳳爪:鳳爪炆得又腍又入味，放入口嚼幾下就骨肉分離了





豬什湯:材料都幾多，不過不失




豬肉湯:肉質有嚼頭，但又不會韌的，湯頭都唔錯




米粉




之後回市區繼續食食食，友人帶我們去宄昇食燒魚，他話這店燒魚係全KK最好的，係咪咁誇啊......




這店很近GAYA CENTRE HOTEL




很多大眼雞啊，重要係齊尾的品種，貴魚來的




用炭慢燒，眼見都很吸引




友人話每人兩條，我話好平咩？友人話rm2蚊條喎，唔係平得咁離譜啊？




燒大眼雞有樣好，就係燒完很容易就撕開層皮，他們又不會先去內臟的





大眼雞一定係野生的，而且肉質係一梭梭，這師父燒得非常好，魚的肉質還保留得很嫩，鮮味十足




這店還有串燒賣的，有雞、牛選擇，當地人歡歡用麵包點醬汁一齊食，每串只賣rm0.06蚊咋




之後去了Water front酒吧飲野，還能欣賞美麗的日落






紫色的天空，你看過嗎？




晚餐就去了Grand Borneo個大型商場裡面食娘惹菜




呢晚全由友人點菜，因我都唔太識有咩好食，連菜名都唔知！去完個洗手間回來，就已點好菜等食




芒果汁:做到像沙冰一樣，但味道淡了一些





這碟係羊肉，廚師選用帶骨部份係非常好的，羊肉輕輕炸過後，肉汁被鎖在裡面，咬落又嫩又有彈性，最怕係又韌又乾的，而且配上惹味的醬汁，令到羊肉的羶味不會太強烈，連老婆都大讚好味




類似係咖哩雞，雞肉煮到入曬味，配上白飯係適合的




酥炸魷魚:魷魚切得大小適中，而且粉漿很薄，完全發揮到魷魚的鮮同嫩，唔錯




炒通菜:用了很濃的醬料去炒，所以味道係好香




呢個係黑豆腐，我好似無食到！




酥炸茄子:茄子本身係較淡味的，師父亦沒有刻意用濃醬去配合，不過簡單反而食到茄子的原味




炒蝦球:我喜歡有口感的蝦球，最怕食到唔新鮮的，好彩這碟每隻蝦都好新鮮的





亞參魚頭:點解我會知道這個名稱？因為呢條魚頭先還在魚缸游緊水的，但我去了洗手間而錯過影相的機會，這店老闆娘話係老板今早出海釣回來的，唔係養班，我們只要了上半部，但條魚應該都幾大條，亞參係一種醬料，係很代表到娘惹菜的特色




老闆果然無講大話，條魚係野生的，魚皮同肉質夠曬彈性，好味啊





珍多冰:呢個係飯後甜品，賣相雖然唔錯，但我覺得檳城的珍多冰才是最正

DAY6




今日早餐去了默迪卡商場3樓的阿林檳城蝦麵，這店早上十點半才開門的





睇見個湯底都感覺到好濃啦，現場還會聞到好香的蝦殼味




點了杯羅漢果水飲




辣椒醬




檳城蝦麵:這店絕不會差得過檳城出品的蝦麵，蝦的味道很香濃，試過後就會想再試




之後啊叔帶了我們去和生園飲鹹柑桔，點解專程去到和生園飲呢？啊叔話這店的柑桔係用蜜糖浸架，但我就有點唔慣個味道，但這店的燒肉、燒雞一到時間，就會超多人排隊買，但我對kk的燒味不感興趣！





我們的午餐就在亞庇肉骨茶，地址就在我們入住酒店隔離，點解會去食肉骨茶？其實我對東馬的肉骨茶係有偏見的，可能以前試過佑記、新記都覺得只有虛名，但我們每日都會經過這店，每次都聞到香味，心裡都掙紮過一段時間，但今日就要回港了，所以決定要一試才心熄




餐牌:價錢大眾化




店內環境幾乾淨，但無客人既！唔通會中伏？




廚房亦很簡簡單單，但個似老闆的男人很熱心的招待，感覺唔錯

我們點了一窩什錦肉骨茶及炒菜一碟，埋單$RM35.5蚊




這窩肉骨茶材料非常足，夠曬我們四個人食，肉骨茶既精華在於個湯，等我試一啖先，咦！點解會咁好飲既？估唔到這店的味道係好過很多老店，雖然店係新開的，職員或老闆都很年青，但這味道就一點都不輸蝕，可能係很合我個人味道，因為藥材味不會很濃，咁就能品嘗到肉的甜味，湯頭在口腔裡面還有回甘，很值得一試




炒菜:都唔錯




職員見到我們飲曬D湯，竟然主動加湯俾我們，我不會想到職員會有這樣貼心客人的，雖然啊叔就話係會咁的，因我們窩裡還有很多肉，所以正常係會加湯喎




唔止湯好飲，連豬手都好好味的




單據

食飽後就要出發去機場，還要同啊叔道別，今次特別唔捨得啊叔，因為以後要一個人生活了！





在機場裡面買了支芒果雪條，以前經常會買黎食的，不過食榴槤味多，但芒果味原來差了很多，完全無芒果味架！很失望連這雪條都變了質！






今次的行程雖然來得很急，過去亦要解決很多突然發生的事件，但能為親人出一分力係很高興的，可能世事很多都注定好，天時地利人和竟會配合得剛剛好，所以人生雖然係短暫同脆弱，但當你懂得珍惜身邊的人，就會知道人間有情，今次亦特別鳴謝啊叔的朋友及老闆，他們出錢又出力，亦要多謝沙巴的朋友們，非常有心。

---

作者: yllw88    時間: 2012-12-18 10:23 AM

提示: 作者被禁止或刪除 內容自動屏蔽

---

作者: dusty01    時間: 2012-12-19 10:36 AM

yllw88 發表於 2012-12-18 10:23 AM
讀了有去沙巴的衝動。寫的好。

謝謝你的誇獎啊

---

作者: cchx    時間: 2013-1-24 01:58 PM

看到肚子餓了，看來樓主玩的真盡興~^^!

---

作者: dusty01    時間: 2013-1-25 11:42 AM

cchx 發表於 2013-1-24 01:58 PM
看到肚子餓了，看來樓主玩的真盡興~^^!

是的啊，玩得很開心的。

---

作者: dusty01    時間: 2013-1-25 11:48 AM     標題: day4除夕倒數編



參觀完故宮，我們就搭的士去四季民福食午餐




呢餐亦係食地道北京菜






因為過了食午餐時間，所以客人唔算多






餐廳裝修得唔錯

我們坐低後，就點了菊花一壺、貝勒烤肉、木桶豬手、火燎鴨心、松鼠桂魚、小炒有機菜花、手撕包菜、京味小食拼盤、海參腸烏魚蛋湯、醬油炒飯、砂鍋酸菜粉絲白肉，埋單$636蚊.




菊花





貝勒烤肉:其實味道就像蔥爆羊肉，北京食羊肉都係唔會很羶，但羊味很夠，而且師父炒得很好，肉質很嫩





醬油炒飯:這個飯很軟熟，我喜歡濕濕地，太乾身反正不喜歡，而且味道很唔錯





木桶豬手:豬手煮得非常入味又夠腍身，而且還很惹味，值得推薦




小炒有機菜花:有機菜係特別甜的，咬落有口感，唔錯




火燎鴨心:這碟菜係北京名菜之一，今次亦係第一次品嘗，這味道我亦很喜歡，但鴨心炒的時間掌握得很好，一點都不過火，所以咬落一點都不粗糙




手撕包菜:包菜係特別脆口的，用上醬油炒一炒，又甜又好味架





海參腸烏魚蛋湯:昨晚試的烏魚蛋湯同這間又唔同的，這店做得會濃味些，所以而者各有優點





砂鍋酸菜粉絲白肉:可能白肉係較肥膩，所以用酸菜去中和，我都幾喜歡這味道，酸度唔會太濃，但又幾醒胃的






松鼠桂魚:這魚炸得很好，比現在的大董更出色，外脆肉嫩，裡面的肉質很鮮，最重要係粉漿夠薄，入口順喉









京味小食拼盤:老北京糕點，雖然細細件，但價錢唔平的，但你食過後，就會覺得值，比護國寺小食店更好味




桔仔:又甜又多汁




單據

食飽後就行去王府井教堂






以前經過都是晚上，今次才看清整座教堂的樣貌




可以入內參觀的

然後我們搭地鐵去前門大街







首先會經過正陽門箭樓



我每次經過賣冰糖葫蘆的檔口都想買來試試，但不知何解只是想想而沒行動！





對面就係前門大街，這條街非常繁榮的








相比起幾年前的樣子，現在這裡已擴闊了很多，但就失去舊有的味道！





這個美食坊亦係新的，以前沒有的，我們就入去看看




其實還有很多店係未開張的，所以較失色




裡面有間食刀削麵的，好似很吸引




來得前門大街，就一定要去大棚欄，因人流最旺的





很多舊的建築物都保留落黎



之後我們行過這間賣茶的店，門口有免費茶試飲，因為天氣寒冷，所以就去試飲，點知就係這樣每人飲了一杯，而被職員邀請入內品嘗其它茶



這店係很出名的，賣的茶都貴過人，可能品質有保證啦






入到店內，就由店長親自泡茶及講解怎泡才最好





我們總共試了幾種茶，分別係貢菊、抗白菊、碧螺春、鐵觀音等等



我們試的都係綠茶，因為比較清香，店長就話你們想試什麼都得，不買都沒所謂！我們又怎好意思





之後當然有幫襯啦，價錢亦唔算貴，上面係送的



這些係買的

唔經唔覺在茶店消磨了大半個鐘






這間係同仁堂，她們又入去買牛王解毒片






連慈禧太后都贊好的包子，但我們無試








就係這樣行完前門大街，然後出發去食晚餐

我們搭地鐵到鼓樓大街站，然後A出口行過對面直行就到





今晚我們食羊蠍子，期待已久的，而這店係較正宗的一間





很好彩還有一間包房，不用另外收費的





珠姐話：食火鍋怎少得啤酒喎！




我就喜歡王老吉多些

呢餐我們點了濃香羊蠍子大鍋、精品羊蠍子大鍋X2、濃香羊蠍子大鍋續鍋X3、精品肥牛X2、毛肚、黃喉、菌菇拼盤、油麥菜、冬瓜片、凍豆腐、大白菜、白蘿蔔片、圓生菜、雞蛋麵、水晶粉、埋單$710蚊.



濃香羊蠍子大鍋:看湯汁就很正宗，羊蠍子很大舊，份量都唔少，我們很心急想快些滾起啦heehee




羊蠍子就是羊背脊那條骨，所以喜歡骨多肉少的人就一定喜歡，而且羊蠍子係一早煮好的，所以入曬味，我唔客氣喇




精品羊蠍子大鍋:這個精品其實係多了條尾巴，價錢亦只是貴很少，不過尾巴部份都幾肥的







真係好味到停唔到口



Lisa姐就排了條羊尾出來



這個係續鍋三份的份量，其實一點都唔化算，要從新點一鍋就更平更多份量，但要我問職員點解得咁少？她才解釋，不過服務態度都唔錯





冬瓜片:又腍又甜，正





白蘿蔔片:都唔錯，完全無渣的




菌菇拼盤




大白菜




油麥菜




精品肥牛X2:這肥牛口感非常好，灼得耐都不會韌的，所以食完一碟要再叫多碟





圓生菜




毛肚:一般般




黃喉:在這裡食黃喉真係好平，大大碟又厚切





凍豆腐:咁濃既湯又點少得豆腐呢？





水晶粉:煙煙韌韌，唔錯




雞蛋麵:無試




單據

食飽後，我們就出發去世貿天階除夕倒數




我們搭地鐵在金台夕照站落車




然後跟著人籠走




大概行十五分鐘就到達







世貿天階個天幕係超過二百米長的，雖然場面無香港倒數咁多人，但現場氣氛v算唔錯，我們亦迫唔到好入





天幕上有明星同大家祝賀的短片







現場雖然係人多，但在等倒數的人都很規矩，無你推我撞的情況




我們當然要自拍留念啦，這次係我們第一次在其他地方倒數，所以心情特別興奮，但興奮過後就係不安，因為過了十二點，街上無公車、無地鐵，咁果幾千人點走啊？我們邊走邊搵的士，但很難搵同開天殺價，好彩我們都找了半小時，就找到白牌車，只是開價十蚊位到酒店，真係好老實啊，這次的體驗真係夠曬刺激啊。

---

作者: tmpss88131    時間: 2013-1-25 12:41 PM

看到這麼多美食
看得肚子超餓的

---

作者: dusty01    時間: 2013-1-26 01:33 AM

tmpss88131 發表於 2013-1-25 12:41 PM
看到這麼多美食
看得肚子超餓的

哈哈哈，所以要吃飽才看呢。

---

作者: henghen123    時間: 2013-1-28 12:45 PM

提示: 作者被禁止或刪除 內容自動屏蔽

---

作者: dusty01    時間: 2013-1-29 01:40 AM

henghen123 發表於 2013-1-28 12:45 PM
看到超大的美食。。。樓主把沙巴好吃的都吃過了。。。
我是道地的沙巴人。。。看到了。。。很感動。。{:45: ...

很難得碰到沙巴人啊

---

作者: alice_babe    時間: 2013-2-7 01:17 AM

自己開車去玩？？？？

---

作者: dusty01    時間: 2013-2-10 09:56 AM

alice_babe 發表於 2013-2-7 01:17 AM
自己開車去玩？？？？

不是的啊，但我們自由行的{:31:}

---

作者: ggoggoggo    時間: 2013-2-12 01:43 PM

台灣人到那聽說可以講台語

---

作者: dusty01    時間: 2013-2-13 09:48 AM

ggoggoggo 發表於 2013-2-12 01:43 PM
台灣人到那聽說可以講台語

普通話一定沒問題的。

---

作者: topgun2012    時間: 2013-2-14 10:50 AM

提示: 作者被禁止或刪除 內容自動屏蔽

---

歡迎光臨 伊莉討論區 (http://s03.p03.eyny.com/)

Powered by Discuz!